Байаҕантай” информационнай киин

Планерка сонуннара

Бэнидиэнньик, балаҕан ыйын 14 күнэ, 2026 сыл
—Саҥа почта дьиэтин комиссия кэлэн көрдө. Кыра итэҕэстэри тутааччыларга көннөрөргө эттэ. Миэбэлэ тиэллэн кэллэҕинэ үөрүүлээх аһыллыы былааннанар. Бу күннэргэ сууйуутугар-сотуутугар үлэ барыаҕа.
Куулаҕа ититиигэ 30 ыал холбонно, быйыл бастакы кыстыгы этэҥҥэ туоруулларыгар баҕарабыт.
Баайаҕатааҕы ОДЬКХ илин, арҕаа трассаларга турбалары үөһэ көтөҕөн ремонт үлэтин ыытта.
Баайаҕа сайтыгар өссө биир саҥа сүүрээн киирдэ. Ол курдук нэһилиэкпитин прямой трансляциянан күнүстэри-түүннэри көрө олорор кыахтанныбыт. Ону устар камераны сайты төрүттээбит биир дойдулаахтарбыт Иван Михайлович, Мичил Игнатьевич Андросовтар атыылаһан бэлэхтээтилэр, камера КСК үрдүгэр ыйанна.
“Мандар Уус” этнологическай түмэл дириэктэрэ Ч.А.Романова Харбалаахха археологическай экспедицияҕа кыттыбытын кэпсээтэ. Манна биир дойдулаахпыт, алгысчыт Н. Д. Афанасьев аҕатынан өбүгэтин өтөҕөр туос ураһа кырамталара көстүбүт, онтон түмэлгэ экспонат быһыытынан кыра фрагмены бэлэхтээтилэр.